.:: [ يمـــــــــه مريولـي توسـخ ..! ] ::.

السـلام عليكم ورحمـة اللـه وبركـاته ..

كلمات مبعثـره نقلتها لكم بعـد أن أعجبتني وأستحسنتها جـدا لـ الأحاسيس الكبيره الموجوده في تلك

الكلمات ولا توجـد في أكثر القصائد عند أكبر الشعـراء بـ صراحه كلمات قويه ومشاعر

مبكيــــــــــــــه

.

يمـــــــــــــــــة مريولي توسخ!!

يـــمـــه ..
تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟

يــمـــه ...
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!

يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..

يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح

يمه مريلولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...

يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا

يــمــه
يالله خلاص لاتمزحي
يالله قومي
تعالي معي للبيت ارجعي

يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين جاراتنا ..
اللي كانو يجونا ...

يمممه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..

أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي ..

..

وفي النهايـه لا يسعنـي سوى قول رحم الله أم كاتبها / كاتبتها

وحفظ والدات المسلمين والمسلمات

.

كونوا بخير لـ أجلــي

مسكينة والله يساعدها

ويرحم والدتها والمؤمنين والمؤمنات

ويطول في أعمار أمهاتنا يارب

ويرحم أمك يا مديرتنا

على النقل الرائع والمؤثر

سلمت يداكِ

نزف القلم

كُنتُ هُنا:

{الكاتبة الصغيرة}