.:: [ تبقـى في نظـرة عيوني زي حبات الرمال ..! ] ::.

السـلام عليكم ورحمـة الله وبركـاته ..

أسعـد الله مسائكم بـ كل خير أحبائي

قصيده قرأتها في إحـدى المنتديات فـ نالت على إعجاب كبير مني

كلماتها قويـه جدا تتداخل معها معلومات علميـه قصيدة بـ منتهـى الروعـه تحكي عن الكثير والكثيـر

أترككم معها فـ رأيكم أوفـى من رأيي ..

.

يا صغيّر لا تفلسف ... منت قد الإرتجال

لو وصلت لبرج بابل في ديار الرافدين

تبقى في نظرة عيوني ...زي حبات الرمال

يعني الله لا يهينك... وين أنا .. شف وأنت وين

الشعر نجدي .. ولكن ...طوَّعه جن الشمال

يعني سبعين ألف جني حولنا متواجدين

قم ولاءً للمعلم .. يعني توقف بإعتدال

ولاّ في صح العبارة .. منت قد معلمين

زي نص المسرحية.. شفت عادل كيف قال:

ثكلتك بنت عمة قدة أمك .. أُل آمييييييييييييي ن

قال: ممكن.. قلت:ممكن.. بس يمكن ذي محال

ربما تفهم .. ولكن ربما لا تستبين

التمدد والتقلص من علوم الإختزال

والكثافة نسبة الما .. تحت ضغط الأكسجين

وإنعدام الجاذبية ... يعني قطع الإتصال

والتسامي علم سامي .. ت.. بعده حرف سين

وانقسام أية خلية .. من خلية .. انفصال

زي (دُلي) شفت كيف استنسخوها مرتين!!!

وانصهار الثلج يعني ذااااااااب يا ولد الحلال

تدري أن الما أساساً .. أكسجين ... وهيدروجين

والذي ممنوع صرفه... بالنحو سموه حال

اسم إنَ.. أو لأنَ... زي كيفَ .. أو لأين

يعني لو قمت اتفلسف... منت قدي بالهبال

فلسفة شاعر ولكن... فلسفة شاعر ذهيــــــــــن

كان ودك بس تفهم فلسفة شعري تعال

وش يسمون إنحراف المركبة ذات اليمين؟؟

قال: مالت. قلت: مالت عليك من الخبال

مافهمت اللي نويته ..يالخبل منتب فطين

اضغط انتر في جهازك... ينكتب لك حرف .د.

حط ..ل.. وحط ..خ.. واضغط انتر مرتين

يطلع اسمك الكتروني دلخ أقرب إحتمال

كان تسمع بالذهانة يالغبي طحت بكمين

كل هذا ما هجيتك هو مجرد إرتجال

وكان دوَّخك إرتجالي يمدحون الإسبرين

لو جمعت جيوش شعري كان سويت إحتلال

بس ما ودي أغامر ... حشمةٍ للحاضرين

بس يا ويييييييييلك لو إني واصلٍ للإنفعال

كان هالصدر الشمالي... ضاق بالمتواجدين

تدري أن أكبر حماقة لا توهمت بالخيال

زي من يزرع بطاطة بين ورد الياسمين

يعني اسكت ... لا تفلسف .. دام باقي لك مجال

يمكن... أحياناً ... يكون الصمت رحمة والدين

الرجولة للصغير رمزها... لبس العقال..

والكبير اللي جهلها قال... فتل الشاربين

الرجل يلبس قلادة .. ويتغنج ...إنحلال

وقصة البنت لشعرها... عادة المستخوجين

والسذاجة..... والسماجة..... أسئلة.. داخل سؤال

من حدود البرتقالة لين توصل بابا فين

.
.

كونوا بخير لـ أجلي

صراحة كلماتها جدا راااائعة

ومعانيها قوية جدا ومعبرة

لك كل الشكر على هذه القصييدة الراااائعة

تحياتي***